學生眼中的新世代網紅😎


而家社交媒體盛行,網紅當道唔少學生都有關注、追蹤,甚至成為網紅世代網紅通常被定義為幽默風趣、個人特質強烈、具有高度娛樂性的人係,想知道學生眼中嘅新世代網紅係點?跟住睇埋落去啦

網紅成為理想職業

小編發現,近年越嚟越多學生想成為網紅、KOL覺得網紅可以做自己中意嘅事,同時又有機會賺到錢,超正。有啲IG紅人仲會有知名品牌搵佢地合作,時不時會獲贈靚衫靚鞋同埋其他最新產品,真係令唔少人心心眼!😍

(圖片來源: @tosiukiu)

 

一種休閒娛樂的方式

另一方面,學生通常將追蹤網紅動態作為一種休閒娛樂嘅方式,因此大部分人中意睇靚圖、「食花生」。但係而家咁多網紅,想要突圍而出得到大眾嘅關注同喜愛,除咗幽默風趣、有娛樂性,仲要有一定嘅個人風格。😎

(圖片來源: @hanatam)

因信任而來的強大影響力

網紅有一定嘅影響力,但又唔似明星、偶像咁遙不可及。好多學生一開始會根據自己嘅興趣愛好來關注、追蹤網紅嘅動態。通過了解、互動,佢地對網紅產生信任,願意同網紅進行各種生活化嘅溝通,亦都希望聽取網紅各方面嘅建議。例如:

「大學揀咩科好?」
「做全職網紅會唔會好辛苦?」
「即將畢業了, 我應該向暗戀的男生表白嗎?」 

(順帶一提: 喺信任產生嘅情況下,當網紅推薦某種商品、服務或體驗嘅時候,好多用戶就會自然而然地相信並嘗試。呢個亦係點解好多企業願意搵網紅嚟做宣傳嘅原因之一。但係大家謹記:呢種信任關係喺要維繫咖,而真誠同互動係維繫信任嘅關鍵~)

優質網紅能為學生指點迷津

新世代網紅通常專注於某一(或某些)特定領域,因而對這些領域比較熟悉和了解,最重要嘅係有個人親身體驗!所以,唔少學生會透過網紅嚟了解一個行業或領域。

例如,有啲學生可能中意畫畫,想做插畫家,但家人唔支持,認為好難成功,而且生活唔穩定。年輕學生缺乏經驗當然會容易產生疑惑同顧慮,唔知道自己應唔應該追隨自己嘅理想。呢個時候,網紅可以會成為學生嘅「人生導師」XD

通過對某啲插畫家網紅嘅關注同追蹤,學生會了解到做插畫家嘅一啲經歷同個人體驗。一方面,學生對呢個行業了解多咗。另一方面,學生亦都可以通過互動溝通嚟獲取網紅嘅個人建議,令學生搵到一條自己中意而又適合嘅道路。

(圖片來源: @mandieskwok)
 

能夠對受眾帶來正面影響嘅就係優質網紅啦~! 而通常能夠持續走紅並受到大眾喜愛嘅新世代網紅係真誠、願意表露自己而又有正能量思想嘅優質網紅!

嚟個小總結~

  1. 想要成為新世代網紅,有個人特色係好重要咖!當然能夠好好運用各種技巧同工具就更好啦!如果唔係,你可能辛辛苦苦諗內容、影靚相、日夜出post都未必會有真粉絲見到。😥
  2. 學生一開始通常以輕鬆休閒娛樂嘅心態嚟關注追蹤網紅,但係通過了解同互動,就會逐漸建立起信任,同時令到網紅可以發揮出影響力~
  3. 當然啦,唔少學生都會一開始就關注同自己志同道合嘅網紅,互動溝通互相激勵 XD

延伸閱讀:

INSTAGRAMITY 真人氣、高讚數! 讓你輕鬆成為Instagram人氣微網紅




EnglishChinese Traditional